بسم الله والحمد لله والصلاة والسلام علي رسول الله وآله وصحبه وإخوانه وسلم
Hiding IOS and Configuration File
أحياناً بيكون لازم نخفي نسخة الـIOS والـConfiguration من علي الراوتر علشان محدش يقدر يمسحهم ومثلاً لو قدراً اتمسحوا نقدر نرجععهم بسرعة، طبعاً احنا لازم نكون واخدين Backup بره الراوتر، بس الطريقة ديه بتحفظ الـ IOS والـConfigurtion علي الراوتر في الـFlash اللي برضوا بيبقي اسمها disk او PCMCIA وده نوع الـFlash، يعني حتي لو الـIOS والـConfiguration اتمسح او عملت format للـFlash، برضوا بيفضلوا علي الراوتر ونقدر نرجعهم ببساطة إن شاء الله.
نقطة تانية، إن محدش مثلاً داخل telnet علي الراوتر بعد تفعيل الخاصية ديه يقدر يمسح الـ IOS أوالـConfigurtion
لازم يكون داخل من علي الـConsole علشان يقدر يعمل كده.
أولاً:
1- إخفاء الـIOS:
Router(config)#secure boot-image
بعد كده لو عملت
Router#dir flash:
مش حتلاقي نسخة الـIOS
2-إخفاء الـConfiguration:
Router(config)#secure boot-config
ثانياً:
1- استرجاع الـIOS:
هي بترجع لوحدها، لكن مثلاً في بعض الموديلات ممكن نحتاج الكونفجريشن التالي:
بنعمل Reload ونخش علي الـRommon mode ونكتب الامر التالي:
rommon 1> boot slot0:c3745-js-mz.bin
slot0 ده الـFlash الخارجية PCMCIA
Router#copy slot0:c3745-js-mz.bin flash:c3745-js-mz.bin
Router(config)#no boot system
Router(config)#boot system flash c3745-js-mz.bin
2- استرجاع الـConfiguration:
Router(config)#secure boot-config restore rescue-cfg
هنا بيقوله متخبيش الـConfiguration
Router#copy flash:rescue-cfg startup-config
وده الأهم إنك تعمل copy للـConfiguration من الـFlash للـstart-up cofig
ملحوظة:
الكلام اللي فات كله بيتعمل من علي الـConsole port
أسأل الله عز وجل أن يعلمنا ما ينفعنا وأن ينفعنا بما علمنا إنه ولي ذلك والقادر عليه
ولا تنسوني والمسلمين من صالح الدعاء
وصلي الله وسلم وبارك علي المصطفى وآله وصحبه وإخوانه وسلم.
